منتديات نور الشيعه
يا هلا وغلا بل الجميع

صور من خرب العراق

اذهب الى الأسفل

صور من خرب العراق

مُساهمة من طرف sun في الأحد مارس 17, 2013 12:07 pm











حكام الكويت لعنهم الله







هكذا يعامل الامريكان حكام الخليج

sun

انثى تاريخ التسجيل : 09/10/2010

الرجوع الى أعلى الصفحة اذهب الى الأسفل

رد: صور من خرب العراق

مُساهمة من طرف بنت الرافدين في الثلاثاء أبريل 24, 2018 12:25 pm





بنت الرافدين

انثى تاريخ التسجيل : 14/11/2010

الرجوع الى أعلى الصفحة اذهب الى الأسفل

رد: صور من خرب العراق

مُساهمة من طرف sun في الثلاثاء مايو 01, 2018 12:15 pm





#ايام صدام..


بغض النظر عن ( المراهقين ) الي يترحمون على أيام البعث وهمة ما عاشوا بيه ، السؤال الوجودي الي يطرح نفسه ، ليش الكبار بالعمر الي عاشوا ذيچ الأيام وچان طايح حظهم يترحمون على الماضي ؟

هو ليش الواحد يترحم على الماضي أصلاً ؟

بالفلسفة وعلم المنطق أكو مغالطة أسمها ( good day fallacy ) أو مغالطة الأيام الجميلة ، تگول أنو انسان بطبيعته يحب يترحم على الأيام السابقة ويكون ضحية الوهم العقلي الي يخلقه دماغه ، بسنة 2011 أكو دكتورة أمريكية أسمها Loretta G. Breuning كتبت مقاله على موقع psychology today عنوانها " Why the grass seems greener in other "centuries يعني ليش العشب يكون أكثر خضاراً بالماضي ، بما معنى ليش أيام الماضي بنظر هواية ناس أحلى من المستقبل ؟

تگول :
" عندما تكون حياتك محبطة ، قد تشعر بالراحة في أفكار الماضي المجيد ، أيام الماضي ذهبت ولا تسبب لك قلقًا وتوتراً مثلما يفعل الحاضر والمستقبل ، لهذا أنت تحبها لأنها ما عادت تخيفك ، التفكير بالماضي يمنح عقلك جرعات من هرمونات السعادة التي تجعلك تشعر بالإرتياح ، تصل عندها الى استنتاج مفاده أن الحياة كانت أفضل في الماضي ، ولكن أذا كنت عشت في الماضي بالفعل لما كنت أحببتها "

- زين يبقى السؤال ليش كل ما تصعد بالكية يصعد وياك شايب يبقى يسب بالحكومة ويترحم على أيام صدام ؟

حل هاي المعضلة تكمن بتلث نظريات :

1 - النظرية الذكريات الصادمة أو الـ ( reminiscence bump ) ، هاي النظرية تگول أنو الشخص من عمر 30 الى عمر الـ 60 فما فوق يصيرله تساقط بذكرياته وتبدي تتلاشه ذكريات مرحلة الطفولة والمراهقة ، لهذا تلاحظ أغلب الي يكونون بهاي الأعمار يألفون أحداث وتفاصيل من يمهم حتى يصنعون منها ذكريات ويحچون بيها وتكون بديلة لأحداث الماضي الحقيقية المنسية

مثلاً يجيك يگلك :
" ولله يا عمي محد چان يموت من الجوع "
" والناس چانت گلب على گلب "
" وچنة عايشين بأماااااااااااااااااان "
وهي الناس چانت تبيع شبابيچ البيت حتى تشتري عشا
والجار يكتب تقارير على جاره وناس تكره ناس ، ضحايا حكم صدام ( حروب ، حصار ، مجاعة ، قمع ، إعدامات ) تقريباً 3 ملايين عراقي لو تقسمها على فترة حكمه الـ 24 سنة فتقريباً چان يموت 470 عراقي باليوم ... أمان يابة أمان

2 : نظرية التأثير الإيجابي أو الـ ( positivity effect ) ، هاي النظرية تگول أنو الأنسان كل ما بدة يكبر بالعمر كل ما يبدي ينسى الذكريات السلبية الي عاشها بالماضي ، مثل الي صارله غسيل دماغ شامل ، يعني هذا الشايب الي بالكية نسى أيام صدام وطيحان الحظ والحروب والمجاعة والفقر والأمراض والحصار والديكتاتورية والمقابر الجماعية والسجون والتسلط وعيشة الچلاب الي چان عايشها ، وركز بس بالقلق والتوتر الي ديعيشه بالحاضر ، لأنو مثل ما گالت الدكتورة لوريتا " أيام الماضي ما عادت تخوفه أو تخليه يعيش بحاله نفسية سيئة وهو من يفكر بيها دماغه راح يوهمه بالسعادة والإرتياح لأنه أصلاً هالدماغ مفرمت كل الذكريات السلبية ومبقي بس الذكريات الحلوة " فلهذا يصب كل غضبه عالحاضر وأيام الحاضر رغم أنو الماضي لا يقل سوء أو يمكن أسوء بأضعاف !

• يمكن أنت الي عمرك 15 - 30 والي عاصرت زمن حزب الدعوة وداعش وهالوضع الخرا الي احنة بيه يمكن بعد اربعين سنة تترحم على هاي الأيام وتشوفها أحلى وأجمل من المستقبل ..

3 - النوستالجيا ( nostalgia ) الحنين العاطفي الى الماضي ، علماء النفس من رادوا يفسرون ليش الناس تحن للماضي إخترعوا هذا المصطلح ، " وهي عملية يتم فيها استرجاع مشاعر عابرة ولحظات سعيدة من الذاكرة وطرد جميع اللحظات السلبية " ، النوسالجيا هي آلية دفاع نفسية يستخدمها العقل لرفع المزاج وتحسين الحالة النفسية ، الانسان من يحس حياته بدت تفقد قيمتها وتتحول الى الاسوء دماغه يگوم يستدعي الذكريات الحلوة بدفئها وعواطفها حتى تنطيه مثل المخدر الي يكافح بيه نوبات الإكتئاب ويگدر يكمل بيه بقية يومه ، النوستالجيا بتعريفها المبسط :

" نحن نحب ذكريات الماضي لأنها تجعلنا بطريقة غامضة نشعر أفضل "

• شوف حجي ، الكلام موجه للكل ، الي تسموه زمن الخير والزمن الجميل واقعاً هو چان زمن خرا ، انتو تتذكرون بس الشغلات الحلوة منه وتتجاهلون الاف الشغلات والذكريات الموحلوة ، الترحم على أيام ديكتاتور أرعن وطاغية ومجرم وسفاح وحول العراق الى دولة فاشلة ومديونة وشعبها فقير ومريض ومحاصر ما يصدر إلا من شخص مضطرب نفسياً ويعاني من السادية والتلذذ بالمهانة وطيحان الحظ ، كل تبريراتك لحب فترة صدام هي مجرد إنحراف لأدراكك لذكريات الماضي وعملية وهمية يسويها دماغك حتى يقنعك أنو حياتك چانت أحسن ، بس هذا ما ينفي كونها فعلاً چانت بائسة .. وما ينفي كونك جاهل وزعطوط وما فاهم ولا قاري ولا تعرف شي عن ذيچ الفترة وشنو صار بيها

• الشعب العراقي لازم يبقى عايش بين ثنائية ( السيء والأسوء ) يعني أنت كمواطن عراقي عايش بالقرن الواحدو العشرين ليش حاي تترحم على الماضي ؟ ، ليش من تكون عايش بوضع سيء تگوم تحن للأسوء ؟ ... يا اخي ليش ما تسوي لنفسك چارة وتخلص من هاي الثنائية الغبية وتعيش بوضع لا تكون بيه تحت سلطة وسطوة ديكتاتور سفاح ولا تحت حكم أحزاب إسلامية حرامية .. هاي دول العالم كلها مرت بالي احنة مرينا بيه ، حروب وطغاة ، وحمام دم وحصار و فاسدين .. كلهم تجاوزوا الماضي وعايشين هسة متحضرين وحياتهم تخبل وأنت واحد من الناس تتمنى تحصل لجوء يمهم ، المانيا ، اليابان ، روسيا ، ايطاليا ، الصين ... وهواية دول ، ليش أنت كعراقي ما تقرر تنسى الماضي وتحاول تغير الحاضر وتبني مستقبل مال أوادم وتجرب تعيش بكرامة ولو لمرة وحدة بحياتك ؟

• هامش أخير


من أگلك صدام وأيام صدام چانت خرا
لا تجي تگلي " لعد الي هسة حاكمينة أحسن منه ؟ "
لأن همة هم خرا مثله

وماكو أي صيغة مفاضلة بين الـ ( الخرا ) والـ ( الخرا )

sun

انثى تاريخ التسجيل : 09/10/2010

الرجوع الى أعلى الصفحة اذهب الى الأسفل

رد: صور من خرب العراق

مُساهمة من طرف خادم الحسين في الأربعاء مايو 09, 2018 7:59 am




على عهدة الأستاذ عامر بدر حسون

عامر بدرحسون
‏6 مايو‏، الساعة ‏11:10 ص‏



تقرير علني الى المخابرات وشبكة الاعلام والاتصالات
----------------------------------------------------


هذه خطة عمل البعث في البرلمان والاعلام!
-----------------------------------------


عامر بدر حسون
----------------



اضع هذه المعلومات امام الاصدقاء وامام الاجهزة الامنية والاعلامية علّها تكون مفيدة لهم في عملهم.


المعلومات مؤكدة لذلك اضعها باسمي وفي تقرير علني.


المعلومات تتعلق بخطة البعثيين للعمل في البرلمان المقبل وفي وسائل الاعلام وقد تم البدء بتنفيذ جزء من الجانب الاعلامي.


***


مرشحو البعث خضعوا في عمان لدورات مكثفة قامت بها شركة متخصصة في كيفية ظهورهم الاعلامي للدفاع عن صدام والتذكير بـ "منجزاته" دون اثارة كبيرة ومن خلال التركيز على بعض المقارنات الشكلية.


الشركة التي فازت بهذا العقد استعانت بخبراء عرب واجانب ودربت المرشحين (النواب غدا) على جملة من الامور:
- تحديد مظهرهم وملابسهم وحتى طبقة الصوت التي يتحدثون بها والتعبيرات المرسومة على وجوههم والخ.


وايضا تقبّل الانتقادات والاستفزازات التي يقوم بها المذيع (المتفق معه سلفا) بكل هدوء ودون فقدان للاعصاب، والتظاهر احيانا بالعصبية لتمرير معلومة خاصة بحجة العصبية!


- استغلال استضافتهم من قنوات محددة والتوسع فيها للتذكير بصدام ومنجزاته بلغة هادئة و"موضوعية" حتى تصبح تلك الافكار والمقارنات من الافكار الشائعة بين الجمهور، والتي ستحصل على دعم وتناغم من الجيوش الالكترونية للبعثيين لاشاعتها في وسائل التواصل الاجتماعي.


- استخدام البرلمان بطريقة تشوش العمل فيه وخلط الاوراق لاثبات فشل العمل السياسي البرلماني.. وايضا قيامهم

بالتحالف كافراد مع كتل برلمانية من جميع الاطراف ومحاولة تبني مواقفها ثم التاثير عليها بشكل غير مباشر وغير ذلك من النشاطات.


***


قامت قطر باقتراح الاستعانة بالشركة المختصة، والتخطيط بشكل عام لعملها وتولت تكاليفها وتكاليف جيوش الكترونية ابعد واكثر تخصصا.


كما اوكلت تنفيذ الجزء الالكتروني منه وادارته الى حماس (خط خالد مشعل) وتم تكليف خبراء من حماس في الاردن للقيام بالمهمة.


***
اطلع بعض مشاهدي التلفزيون في الفترة الاخيرة على لقاءات تلفزيونية هي نتاج هذه الخطة وفي قنوات محلية للبعثيين

"مونة" على اصحابها ومذيعيها.. واستمعوا الى مدائح لصدام وزمنه بكل "عفوية" و "موضوعية"!


قناة "الكرامة" القناة الرسمية للبعث لن تستضيف هؤلاء وانما ستتناغم مع احاديثهم ودعمهم بشكل غير مباشر. وهي ستستخدم في وقت لاحق احاديث هؤلاء البعثيين باعتبارها احاديث برلمانيين مستقلين ومنصفين!

***
الخلاصة ان هذه المعلومات الاكيدة قد تفسر الى حد ما انتشار افكار البعث في الاعلام وفي وسائل التواصل الاجتماعي وتبني هذه الافكار من قبل اشخاص غاضبين لا علاقة لهم بالبعث لكن هذا ليس موضوعنا الان.
الموضوع ان الدستور يحرم البعث والدعاية له ويعتبره جريمة يعاقب عليها القانون، ولا اعرف الجهة المعنية بمتابعة هذا الموضوع لذلك وجهت تقريري هذا الى الاجهزة الامنية من جهة والى الاتصالات وشبكة الاعلام من جهة اخرى.


وعموما فالمنشور موجه اساسا للصديقات والاصدقاء، وتحديدا لمن يثق بمعلوماتي، كي يزيد من انتباهه الى الافكار


الاكثر شيوعا ومعرفة مصدرها واهدافها ومنها افكار من نوع:


ان البعث انتهى او ان الذين اتوا بعده هم اسوا منه!

خادم الحسين

ذكر تاريخ التسجيل : 03/12/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى