في حب النبي محمد صلى الله عليه واله وسلم

**sun** تاريخ التسجيل : 09/10/2010

زجل فى حب الرسول

--------------------------------------------------------------------------------

زجل فى حب الرسول

أبدأ كلامى بصلاتى ع النبى المختار

شفيعنا يوم القيامة من عذاب النار

له فضل ع الدنيا فيه كل العقول تحتار

صلوا عليه واذكروة دايما فى ليل ونهار

أنا مهما حكتب وأوصف ولا أقول عنه

يحتار فى ايدى القلم والمعنى والافكار

يا أشرف الخلق يا أول نبى ورسول

يا آخر الاْنبيا لك شرح أمرة يطول

من يقرا سيرتك حيعرف كل شئ عنك

ومهما قلنا حنبقى مقصرين فى القول

الحلم طبعك وكان الصبر والايمان

علمتنا نرفض السخرة مع الطغيان

علمتنا أزاى ندافع عن كرامتنا

علمتنا حبنا للدين0وطا

علمتنا أزاى نصوم مثلا وليه رمضان

علمتنا ليه يكون الشرع م القرآن

علمتنا حكمة المولى فى خلق الكون

وعلم يهدى الامم فى كل جيل وزمان

يا مظهر الحق يا رافع لوا الاسلام

العدل كان مبدأك بالفعل مش بكلام

بالسيف قاومت وكافحت الظلم والجبروت

وحرب كانت عشان تبقى العباد فى سلام

يا هادى امتنا م الضلمه لطريق النور

علمتنا علم يفضل ع السنين دستور

وكان فى يوم مولدك نورك ملا الدنيا

الاْرض ويا السما فرح وهنا وسرور

أختم كلامى بدعا بالنصر لبلادى

بعد موج البحار والرمل فى الوادى

وادعيلك يارب يا قادر يا سميع يا مجيب

فى كل عام نحي ذكرى مولد الهادى

صلوا على اشرف الخلق

**خادم الحسين** تاريخ التسجيل : 03/12/2010

🟠 هنيئا مريئا يا خديجة قد جرت * لك الطير فيما كان منك بأسعد

تزوجت من خير البرية كلها * ومن ذا الذي في الناس مثل محمد؟

نهنئ الأمة الإسلامية بذكرى زواج النبيّ الأكرم محمد(صلّى الله عليه وآله)، من السيّدة خديجة الكبرى(عليها السلام) في العاشر من ربيع الأول سنة ٢٨ قبل الهجرة .

في حب النبي محمد صلى الله عليه واله وسلم

في حب النبي محمد صلى الله عليه واله وسلم

رد: في حب النبي محمد صلى الله عليه واله وسلم